Kërkimi i të njëjtës pyetje nga disa dijetarë!

Pyetja : 

Cili është mendimi i shkelqësisë suaj në lidhje me atë person 

që pyet një dijetar për një mes’ele, pastaj kalon (shkon) tek një dijetar tjetër 

dhe e pyet atë për të njëjtën mes’ele?

Përgjigja : 

Ky (person) është një lojacak, i cili shijon mendimet, kushedi mund të jetë 

një njeri me qëllim të keq; kërkon (të gjejë) përplasjen e dijetarëve, 

pastaj fillon e thotë: 

ka thënë filani (filan dijetarë) kështu dhe ka thënë filani (filan dijetar) kështu.

Ky (veprim) nuk lejohet absolutisht (kurrë).

Së pari: nëse dëshiron të pyesësh mos pyet këdo, (por) pyet atë të cilin 

ke besim në diturinë dhe në fenë e tij; dhe atë që i është dhënë leje 

për të dhënë fetwa,  pyete atë dhe merre mendimin e tij. 

Mos shko tek ndonjë i dytë e as tek ndonjë i tretë.

Merre mendimin e atij që të ka dhënë fetwa, i cili duhet të jetë 

prej dijetarëve dhe të devotshmëve.

“...Pyesni dijetarët nëse nuk dini” Nahl:43.

(Pyesni) dijetarët: ata të cilët kanë dituri dhe devotshmëri.

Fet'ua nga shejkh Salih el Feuzan

Kontrolloi nga arabishtja: Astrit Hoxha